أيمن غالب عبد الوهاب محــــــمد
 
الرئيسيةالبوابةس .و .جبحـثالأعضاءالتسجيلالمجموعاتدخول

شاطر | 
 

 رهيب الفول

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ايمن غالب
Admin
avatar

عدد الرسائل : 159
العمر : 23
تاريخ التسجيل : 25/05/2007

مُساهمةموضوع: رهيب الفول   السبت يونيو 02, 2007 4:39 pm







يا حبيب الشعب يا إنتاج بلادي

الله ما أحلاك بالجبنة والزبادي

فيك سحر غير عادي

إنت القدر والحبيب

رهيب والله رهيب

في مناسباتنا العديدة

دايما مشكل حضور

في السمايات والمآتم

في العرس والطهور

يا الكل يوم معانا

في العشا والفطور

عنك ما بنتخلى

إنت القسمة والنصيب

رهيب والله رهيب

نحن البيك همنا

وإنت سبب أذانا

في البيت والمطاعم

شايلين الصحانة

يا الساقينا موية

في الشتاء والسخانة

يا مسمار بطننا

يا أجمل حبيب


*****

يا ود عم الفاليوم

وجودك مهم في البيت

في كل المحافل

أصبحت ذايع الصيت

الله ما أحلاك بالبصل والزيت

من ما ناكلك إنت

نكوس العنقريب


*****

رهيب والله رهيب

أصلي ولد بلدنا

ماجابوك بالمطار

فيك فيتامين مغذي

زي السمك والخضار

وحاتك إنت طاعم

لو بالملح والشمار

إن شاء الله تكون فطورنا

في الجنة أم همبريب

رهيب والله رهيب


*****
يا النبتة العجيبة

وصفك تعدى الخيال

بتقوم في أي حتة

في الرمال والجبال

وإنت سبب الهزائم

للمريخ والهلال

ديل راقدين جنايز

ناقصم النحيب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://karrarir.topgoo.net
 
رهيب الفول
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مرحـــــــباً بيـــــكم وحبــــــــابـــــكم عشـــــــــرة :: القسم الأدبى :: منتدى الشعر والخواطر-
انتقل الى: